एकै परिवारका तीन जना नेपालीको भारतमा निसासिएर मृत्यु
कैलाली –कोठामा निसासिएर कैलालीका एकै परिवारका तीन जनाको भारतमा मृत्यु भएको छ । मजदुरी गर्न भारत गएका कैलालीको गौरीगंगा नगरपालिका १ का चन्ने भुल, उनकी श्रीमति कुमारी भुल र दुई बर्षकी छोरीको निसासिएर मृत्यु भएको हो ।
भारतको उत्तर प्रदेशको मेरठमा काम गर्दै आएका भुल परिवार कोठामा कोइला बालेर सुतेका थिए । उनीहरुको निसासिएर मृत्यु भएको आफन्त गोपी भुलले बताए ।
मृतकका घरमा दुई छोरी र एक छोरा रहेका छन् ।
प्रकाशित मिति: सोमबार, पुस १८, २०७९ १४:०६
प्रतिक्रिया दिनुहोस्
थप कैलाली
