माओवादी केन्द्र सुदूरपश्चिम संसदीय दलको नेतामा भट्ट चयन
कैलाली – नेकपा माओवादी केन्द्र सुदूरपश्चिम प्रदेश सभा संसदीय दलको नेतामा खगराज भट्ट सर्वसम्मत चयन भएका छन् । माओवादी केन्द्रमा संसदीय दलको नेता चयनका लागि बृहत छलफल भएको थियो ।
माओवादी केन्द्रका केन्द्रिय सदस्य ओमविक्रम भाट (सरल)ले समेत संसदीय दलको नेतामा दाबी गरेपछि हिजो सम्म सहमति हुन सकेको थियो ।
धनगढीस्थित संसदीय दलको कार्यालयमा आज बसेको बैठकले खगराज भट्टलाई सर्वसम्मत रुपमा दलको नेता चयन गरेको माओवादी केन्द्रले जनाएको छ । भट्ट माओवादी केन्द्रका सुदूरपश्चिम इन्जार्ज तथा स्थायी कमिटी सदस्य समेत रहेका छन् ।
प्रकाशित मिति: आइतबार, पुस १७, २०७९ ११:५४
प्रतिक्रिया दिनुहोस्
थप कैलाली
