दार्चुला – लागु औषध चरेशसहित दार्चुलामा एकजना पक्राउ परेका छन् । दुँहु गाउँपालिका–४ घर भइ हाल महाकाली नगरपालिका–४ स्थित महादेव खुद्रा पसल संचालन गर्दै आएका ७० वर्षीय बिरसिंह लोथ्याललाई प्रहरीले पक्राउ गरेको हो । 

बिशेष सूचनाका आधारमा उनको पसल तलासी गर्दा लुकाई राखेको अवस्थामा ३ केजी ८ सय ग्राम चरेश सहित उनलाई मंगलबार साँझ पक्राउ गरिएको जिल्ला प्रहरी कार्यालय दार्चुलाका प्रवक्ता प्रहरी निरीक्षक गोविन्दप्रसाद भण्डारीले बताए । 

अदालतबाट म्याद थपेर उनीमाथि थप अनुसन्धान भइरहेको छ ।