९ किलो चरेससहित बझाङका एकजना कैलालीमा पक्राउ
कैलाली –कैलालीको अत्तरियाबाट ९ किलो चरेस सहित बझाङका एकजना पक्राउ परेका छन् । बझाङको दुर्गाथली गाउँपालिका –७ काँडाका ३६ बर्षीय यमराज दौल्यालले ९ किलो ३४० ग्राम चरेससहित अत्तरीयाबाट पक्राउ परेका हुन् ।
अत्तरीयास्थित बसपार्कमा कलक जप्रेलले सञ्चालन गरेको नबीन होटेलबाट दौल्याललाई चरेस सहित पक्राउ गरिएको कैलाली प्रहरीले जनाएको छ ।
होटलको १०१ नम्बर कोठामा बसीरहेका दौल्याललाई सादा पोशाकमा खटिएको प्रहरीको टोलीले पक्राउ गरेको हो । उनलाई इलाका प्रहरी कार्यालय मालाखेतीमा राखेर थप अनुसन्धान भइरहेको प्रहरीले जनाएको छ ।
प्रकाशित मिति: बुधबार, पुस १३, २०७९ ०९:४३
प्रतिक्रिया दिनुहोस्
थप कैलाली
