धनगढीमा सचिव सवार सरकारी गाडी र विद्यालय बस ठोकिए
कैलाली –सुदूरपश्चिम प्रदेश सभा सचिवालयका सचिव देवबहादुर बोगटी सवार गाडी विद्यालयको गाडीसँग ठोक्किएको छ । सोमबार बिहानै उनी सवार से १ झ २७६ नम्बरको सरकारी गाडी सैनिक आवासीय महाविद्यालयको विद्यार्थी बोकेको बससँग ठोक्किएको हो ।
सचिव बोगटी कार्यालय समय अगाडि नै सरकारी गाडीमा ब्याडमिन्टन खेल्न गइरहेका बताइएको छ । धनगढी उपमहानगरपालिका–५ हसनपुरमा उनी सवार गाडी विद्यालयको बससँग ठोक्किएको हो ।
बोगटीले ओभरटेक गर्ने क्रममा स्कारपियो महाविद्यालयको बससँग ठोक्किएको र दुवैको अगाडिको भागमा समान्य क्षति पुगेको बताइएको छ ।
प्रकाशित मिति: सोमबार, मंसिर १९, २०७९ ०९:०१
प्रतिक्रिया दिनुहोस्
थप कैलाली
