डोटी –डोटीबाट गर्भवतीको हेलिकप्टरबाट उद्धार गरिएको छ । जिल्लाको बडिकेदार गाउँपालिका वडा नम्बर ५ लानाकी २७ वर्षीया अमृतादेवी बोहराको बुधबार उद्धार गरिएको हो । सोमबार साँझदेखि सुत्केरी व्याथा लागेकि बोहराले बच्चा जन्माउन नसकेपछि रन्तोला सामुदायिक स्वास्थ्य इकाई लाना रन्तोलामा लगीएको थियो । 

बोहराले बच्चा जन्माउन नसकेको र उच्च रक्तश्राव भएपछि नेपाली सेनाकोे हेलिकोप्टरबाट प्रादेशिक अस्पताल सुर्खेत लगिएको प्रमुख जिल्ला अधिकारी कल्पना श्रेष्ठले बताइन् । 

राष्ट्रपति महिला उत्थान कार्यक्रम अन्तरगत बोहराको हवाई उद्धार गरिएको हो  दुर्गम ठाउँका गर्भवती तथा सुत्केरी महिलाहरूलाई विभिन्न समयमा हेलिकोप्टर मार्फत उद्धार गर्ने गरिएको छ ।