एमाले अध्यक्ष ओली भोलि सुदूरपश्चिम आउने, डोटी र कैलालीमा चुनावी सभा
कैलाली –नेकपा एमालेका अध्यक्ष केपी शर्मा ओली भोलि सुदूरपश्चिम आउने भएका छन् । मंसिर ४ गते हुने प्रतिनिधि सभा र प्रदेश सभा निर्वाचनका लागि देश दौडाहमा रहेका ओली शनिबार सुदूरपश्चिम आउने भएका हुन् ।
ओलीले भोलि डोटीको दिपायलमा ११ बजे चुनावी सभालाई सम्बोधन गर्ने कार्यक्रम रहेको छ । यस्तै भोलि नै दिउँसो २ बने कैलालीको अत्तरीया र दिउँसो ४ बजेको कैलालीको लम्कीमा चुनावी सभालाई अध्यक्ष ओलीले सम्बोधन गर्ने कार्यक्रम रहेको एमाले सुदूरपश्चिमका सचिव धर्मराज पाठकले जानकारी दिए ।
केही दिन अघि मात्रै एमाले अध्यक्ष ओली दार्चुला, बैतडी र कञ्चनपुरमा आयोजित चुनावी सभालाइ सम्बोधन गरेर फर्किएका थिए ।
प्रकाशित मिति: शुक्रबार, कात्तिक २५, २०७९ १६:२५
प्रतिक्रिया दिनुहोस्
थप कैलाली
