एमाले अध्यक्ष ओली फेरी सुदूरपश्चिम आउने, कैलाली र डोटीमा चुनावी सभा
कैलाली –नेकपा एमालेका अध्यक्ष केपी शर्मा ओली फेरि सुदूरपश्चिम आउने भएका छन् । कैलाली र डोटीमा हुने चुनावी सभालाई सम्बोधन गर्नका लागि ओली कार्तिक २६ गते सुदूरपश्चिम आउन लागेका हुन् ।
ओलीले कैलालीका दुई ठाउँ र डोटीको दिपायलमा चुनावी सभालाई सम्बोधन गर्ने कार्यक्रम रहेको एमाले सुदूरपश्चिमका सचिव धर्मराज पाठकले जानकारी दिए । अध्यक्ष ओलीले २६ गतेका दिन बिहान ११ बजे डोटीको दिपायल, २ बजे कैलालीको अत्तरियामा र ४ बजे लम्कीको चुनावी सभालाइ सम्बोधन गर्ने कार्यक्रम तय भएको छ ।
यसअघि यही कार्तिक १८ गते एमाले अध्यक्ष ओलीले दार्चुला, बैतडी र कञ्चनपुरमा आयोजित चुनावी सभालाई सम्बोधन गरेका थिए ।
प्रकाशित मिति: सोमबार, कात्तिक २१, २०७९ १८:०४
प्रतिक्रिया दिनुहोस्
थप कैलाली
