दार्चुलामा मोटरसाइकल दुर्घटना हुँदा दुईजना घाइते
दार्चुला –दार्चुलामा मोटरसाइकल दुर्घटना हुँदा दुई जना घाइते भएका छन् । महाकाली नगरपालिका–५ किम्तडीस्थित सडकमा शनिबार मोटरसाइकल दुर्घटना हुँदा चालकसहित दुई जना घाईते भएका हुन् ।
से १ प २०७९ नम्बरको मोटरसाइकल दुर्घटना हुँदा चालक महाकाली नगरपालिका–५ का हिमांशु शाही र पछाडी सवार सोही नगरपालिका–४ का बिरेन्द्र टमटा घाइते भएका प्रहरीले जनाएको छ ।
दुर्घटनामा गम्भीर घाइते भएका टमटालाई थप उपचारका लागि भारतको पिथौरागढ लगिएको छ भने चालक शाहीको जिल्ला अस्पतालमा दार्चुलामा उपचार भइरहेको प्रहरीले जनाएको छ ।
प्रकाशित मिति: शनिबार, कात्तिक १२, २०७९ १८:३१
प्रतिक्रिया दिनुहोस्
थप दार्चुला
लोकप्रीय
