प्रधानमन्त्री देउवा विरुद्धको उजुरीमा पत्नी आरजुले जवाफ बुझाइन्

सगुन खबर मंगलबार, असोज २५, २०७९

प्रधानमन्त्री देउवा विरुद्धको उजुरीमा पत्नी आरजुले जवाफ बुझाइन्

धनगढी- प्रधानमन्त्री एवं नेपाली कांग्रेसका सभापति शेरबहादुर देउवाले आफ्नो उम्मेदवारीविरुद्ध परेको उजुरीको जवाफ पठाएका छन्। देउवाले मंगलबार मुख्य निर्वाचन अधिकृतको कार्यालयमा पत्नी डा. आरजु राणा देउवामार्फत उजुरीको जवाफ बुझाएका हुन्।

देउवाको नागरिकता र मतदाता नामावलीमा जन्ममिति फरक-फरक भएको भन्दै एउटामात्र प्रतिनिधिसभा निर्वाचन क्षेत्र रहेको डडेल्धुराबाट उमेदवारी दिएका देउवाको उमेदवारी रद्द गर्नुपर्ने माग गर्दै विपक्षी उम्मेदवार नेपाली कांग्रेस (बीपी) का कर्णबहादुर मल्लले उजुरी दिएका थिए।

डडेल्धुराबाट उम्मेदवारी दिएका देउवाको मनोनयनविरुद्ध सोमबार निर्वाचन अधिकृतको कार्यालयमा उजुरी परेको थियो। नागरिकतामा देउवाको जन्ममिति विसं २००३ साल जेठ ३१ गते र मतदाता नामावलीमा जन्ममिति २००२ साल जेठ ३१ गते रहेको पाइएको छ।

प्रकाशित मिति: मंगलबार, असोज २५, २०७९ १४:५५