अछामका बाढी–पहिरो पीडितहरुलाई कर्मचारीहरुले एक दिनको तलब सहयोग गर्ने
अछाम –अछामका बाढी –पहिरो पीडितलाई जिल्लाका सबै सरकारी कार्यालयमा कार्यरत कर्मचारीले एक दिनको तलब दिने भएका छन् । बुधबार बसेको कार्यालय प्रमुखहरुको बैठकले यस्तो निर्णय गरेको हो ।
सुरक्षा निकाय बाहेकका सम्पूर्ण सरकारी कार्यालयमा कार्यरत कर्मचारीहरुको तलब स्केलको एक दिन बराबरको तलब सम्बन्धित कार्यालयले जिल्ला विपद् व्यवस्थापन कोषमा जम्मा गर्ने निर्णय भएको छ ।
संकलित गरिएको रकम गत भाद्र ३१ गते राति घटेको विपद्को घटनाका पीडितहरुलाई हस्तान्तरण गर्ने निर्णय भएको जिल्ला प्रशासन कार्यालय अछामले जनाएको छ ।
प्रकाशित मिति: बुधबार, असोज ५, २०७९ १७:२१
प्रतिक्रिया दिनुहोस्
थप अछाम
लोकप्रीय
