कैलाली – कैलालीको धनगढीमा मोटरसाइकल दुर्घटना हुँदा एक किशोरको मृत्यु भएको छ । कैलारी गाउँपालिका–३ बस्ने १६ वर्षीय अङ्केश्वर चौधरीको मोटरसाइकल दुर्घटनामा परी मृत्यु भएको जिल्ला प्रहरी कार्यालय कैलालीले जनाएको छ ।

धनगढी उपमहानगरपालिका–७ कालिका चोकमा से६प ९६५८ नम्बरको मोटरसाइकल अनियन्त्रित भई पल्टिएर शनिबार दिउँसो उनी गम्भीर घाइते भएका थिए । उनको सेती प्रादेशिक अस्पताल धनगढीमा उपचारको क्रममा मृत्यु भएको प्रहरीले जनाएको छ ।