दार्चुला – दार्चुलाको लटिनाथ नमुना मा.बि चन्दनपुर चौपाता कार्यसम्पादन मूल्यांकनको आधारमा देशभरिकै उत्कृष्ट १० नम्बरमा परेको छ । लेकम–५ मा रहेको लटिनाथ नमुना माबि ६० जिल्लाका ४८६७ बिद्यालयहरु मध्ये उत्कृष्ट १० मा परेको प्रधानाध्यापक केशव बिष्टले जानकारी दिए । 

शिक्षा मन्त्रालय अन्तर्गतको गुणस्तर प्रशिक्षण केन्द्रले देश भरिका बिद्यालयहरुको विभिन्न मापदण्डका आधारमा गरेको परिक्षणमा लटिनाथ मा.बि चौपाता उत्कृष्ट १० मा परेको बिद्यालयका सहायक प्रधानाध्यापक महेश राज जोशीले बताए । 

करिब ११ सय जना अध्ययनरत उक्त विद्यालयमा सुदुरपश्चिमका सबै जिल्लाहरु बाट विधार्थी पढ्न आउने गर्दछन । उक्त विद्यालयमा कृर्षी डिप्लोमा बालि बिज्ञान,कृर्षी डिप्लोमा पशु विज्ञान,डिप्लोमा इन फरेष्टि,प्री डिप्लोमा विज्ञान र पशु विज्ञानको पढाई हुने गरेको छ ।