दार्चुला –दार्चुलामा पहिरोमा परेर गम्भीर घाइते भएका ५ जनाको नेपाली सेना हेलिकोप्टर मार्फत उद्धार गरिएको छ । सुर्खेतबाट आएको नेपाली सेनाको एयर एम्बुलेन्स मार्फत नौगाड गाउँपालिका–१ सल्लाका गम्भीर घाइते ४५ बर्षीय बिरेन्द्र ठगुन्ना, ४० बर्षीय जयबहादुर ठगुन्ना, ३५ बर्षीया फागुनी ठगुन्ना, ३० बर्षीया रम्भा देवी ठगुन्ना र ३० बर्षीय देवसिंह ठगुन्नाको उद्धार गरिएको हो । 

घाइते पाँचै जनाको जिल्ला अस्पताल दार्चुलामा उपचार भइरहेको छ । घाइते मध्ये विरेन्द्र ठगुन्नाको अवस्था अरुको भन्दा गम्भीर रहेको बताइएको छ । 

गएराति परेको अविरल वर्षाका कारण नौगाड गाउँपालिका–१ सल्ला भन्ने ठाउँमा घर माथिबाट  पहिरो खस्दा उनीहरु घाइते भएका जिल्ला प्रहरी कार्यालय दार्चुलाले जनाएको छ ।