दार्चुलामा जिप दुर्घटना हुँदा पाँच जनाको मृत्यु
दार्चुला – दार्चुलामा जिप दुर्घटना हुँदा पाँच जनाको घटनास्थलमै मृत्यु भएको छ । गोकुलेश्वरबाट सदरमुकाम खलंगा जाँदै गरेको से १ ज ५५१ नम्बरको जिप बुधबार दिउँसो शैल्यशिखर नगरपालिका वडा नं ६ उल्लानीमा दुर्घटनामा परेको हो ।
प्रहरीका अनुसार मृत्यु हुनेमा ४ जना पुरुष र एक १ महिला रहेका छन् । दुर्घटनामा परेर ९ जना घाइते भएका छन् । घाइते मध्ये चालक करन कोली सहित तीनजनाको अवस्था गम्भीर रहेको बताइएको छ । मृतक र घाइतेको पहिचान खुल्न बाँकी रहेको छ । घाइतेहरुलाई उपचारका लागि गोकुलेश्वर अस्पताल पुर्याइएको प्रहरीले जनाएको छ । जिप सडकबाट करिब २५० मिटर तल खसेको छ ।
प्रकाशित मिति: बुधबार, भदौ १, २०७९ १७:१७
प्रतिक्रिया दिनुहोस्
थप दार्चुला
लोकप्रीय
