दार्चुलामा बेपत्ता शिक्षकको अवस्था अझै अज्ञात,दुई जना प्रहरी नियन्त्रणमा
दार्चुला–गएको सोमबारदेखि बेपत्ता भएका दार्चुलाको नौगाडका शिक्षक हरकसिंह ठगुन्नाको अवस्था अझै अज्ञात रहेको छ । बिहेमा जान्छु भनि हिँडेका शिक्षक ठगुन्ना सोमबार साँझदेखि बेपत्ता रहेका जिल्ला प्रहरी कार्यालय दार्चुलाका प्रवक्ता प्रहरी निरीक्षक राजेश शाहीले बताए ।
बेपत्ता शिक्षक ठगुन्नाको खोजी कार्य जारी रहेको प्रहरीले जनाएको छ । बुधबार साँझ शिक्षक ठगुन्नाले लगाएको कोट फेला परेको छ । उनले लगाएको कोट नौगाड गाउँपालिकाको बबरखोला भन्ने ठाउँमा फेला परेको हो ।
शिक्षक ठगुन्ना बेपत्ता भएपछि प्रहरीले दुईजनालाई सोधपुछका लागि नियन्त्रणमा लिएको छ । उनीहरुमाथि सोधपुछ भइरहेको प्रहरी निरीक्षक शाहीले बताए ।
प्रकाशित मिति: बिहीबार, असार ३०, २०७९ १६:३२
प्रतिक्रिया दिनुहोस्
थप दार्चुला
लोकप्रीय
