बिहेमा गएका दार्चुलाका एक शिक्षक बेपत्ता, प्रहरीद्वारा खोजी कार्य जारी
दार्चुला –दार्चुलामा बिहेमा गएका एक शिक्षक बेपत्ता भएका छन् । दार्चुलाको नौगाड गाउँपालिका वडा नं १ का ४९ बर्षीय शिक्षक हरकसिंह ठगुन्ना बेपत्ता भएका जिल्ला प्रहरी कार्यालय दार्चुलाका प्रवक्ता प्रहरी निरीक्षक राजेश शाहीले बताए ।
सोमबार साँझ गाउँ नजिकैको बिहेमा जान्छु भनि हिँडेका ठगुन्ना उतैबाट बेपत्ता भएका प्रहरी निरीक्षक शाहीले बताए । भूमीराज मावि इयरकोटमा कार्यरत शिक्षक ठगुन्ना बेपत्ता भएपछि प्रहरीले खोजी कार्य जारी राखेको छ । जिल्ला प्रहरी कार्यालयबाट पनि प्रहरी निरीक्षक शाहीको नेतृत्व प्रहरी टोली नौगाडका लागि खटिने भएको छ ।
प्रकाशित मिति: मंगलबार, असार २८, २०७९ १८:४३
प्रतिक्रिया दिनुहोस्
थप दार्चुला
लोकप्रीय
