दार्चुलाको अपिहिमालमा गठबन्धन विजयी, अध्यक्षमा ठेकरे र उपाध्यक्षमा बोहरा निर्वाचित
दार्चुला –दार्चुलाको अपीहिमाल गाउँपालिका अध्यक्षमा सत्तारुढ गठबन्धनबाट नेकपा (माओवादी केन्द्र)का उम्मेदवार भगतसिंह ठेकरे (बोहरा) निर्वाचित भएका छन् । उपाध्यक्षमा गठबन्धनबाट उम्मेदवार कांग्रेसकी देवकीदेवी बोहरा निर्वाचित भएकी छन् ।
अन्तिम मत परिणामअनुसार ठेकरेले २ हजार ३ सय ४ मत प्राप्त गरेका छन् । उनले प्रतिद्वन्द्वी नेपाल कम्युनिष्ट पार्टी (एमाले) का उम्मेदवार धर्मानन्दसिंह मन्याललाई ९१९ मतान्तरले पराजित गरेका हुन् । पराजित मन्यालले १ हजार ३ सय ८५ मत ल्याएका छन् । उनी २०७४ सालमा गाउँपालिका अध्यक्षमा निर्वाचित भएका थिए भने ठेकरे पराजित बनेका थिए ।
उपाध्यक्ष निर्वाचित नेपाली कांग्रेसकी देवकीदेवी बोहराले २ हजार २७ मत ल्याएकी छन् । उनकी प्रतिद्वन्द्वी एमालेकी उर्मिला बोहराले १ हजार ३ सय ९१ मत ल्याएकी छिन् ।
प्रकाशित मिति: आइतबार, जेठ १, २०७९ १३:२८
प्रतिक्रिया दिनुहोस्
थप दार्चुला
लोकप्रीय
