दार्चुलाको अपिहिमालमा गठबन्धनको अग्रता, वडा नं १ मा कांग्रेसका लोथ्याल विजयी
दार्चुला – दार्चुलाको अपिहिमाल गाउँपालिका वडा नम्बर १ मा गठबन्धनका तर्फबाट नेपाली कांग्रेसका उम्मेदवार पोखरसिंह लोथ्याल विजयी भएका छन् ।
लोथ्याल प्यानलसहित विजयी भएका बताइएको छ । लोथ्याल १८३ मतसहित विजयी हुँदा उनका प्रतिस्पर्धी नेकपा एमालेका भरतसिंह धामीले १५६ मत ल्याए । लोथ्याल कांग्रेसका तर्फबाट गठबन्धनका उम्मेदवार हुन् ।
यस्तै पालिका अध्यक्षमा पनि गठबन्धनका भगतसिंह ठेकरेले अग्रता लिएका छन् । उनी माओवादी केन्द्रबाट उम्मेदवार हुन् । ठेकरेले ४४६ मत ल्याउँदा एमालेका धर्मानन्द मन्यालले २७४ मत ल्याएका छन् ।
यस्तै उपाध्यक्षमा एमालेबाट उर्मिला बोहराको २८८ र गठबन्धनको तर्फबाट कांग्रेस नेतृ देबकी बोहराको ३६५ मत प्राप्त भएको छ । मतगणना जारी रहेको छ ।
प्रकाशित मिति: शनिबार, वैशाख ३१, २०७९ ०९:३१
प्रतिक्रिया दिनुहोस्
थप दार्चुला
लोकप्रीय
