कञ्चनपुर –कञ्चनपुरमा मोटरसाइकल दुर्घटना हुँदा ६ जना घाइते भएका छन् । जिल्लाको कलुवापुर–बेलौरी सडकखण्ड अन्तर्गत शुक्लाफाँटा नगरपालिका–१२ कालागौडीमा दुई मोटसाइकल ठोक्किँदा ६ जना घाइते भएका प्रहरीले जनाएको छ । आइतबार राति से४प ८९४५ नम्बरको मोटरसाइकललाई सुपप्र ०२००३ प ९३४४ नम्बरको मोटरसाइकलले ठक्कर दिएको प्रहरीले जनाएको ।

दुर्घटनामा घाइते भएका ६ जनामध्ये दुईको अवस्था गम्भीर रहेको छ । वेदकोट नगरपालिका–१ का २१ वर्षीय प्रकाश बोहरा र कृष्णपुर नगरपालिका–२ वाणीका २२ वर्षीय नरेन्द्र साउदको अवस्था गम्भीर रहेको प्रदेश ट्राफिक प्रहरी कार्यालय अत्तरियाले जनाएको छ । घाइतेहरुको धनगढीस्थित माया मेट्रो अस्पतालमा उपचार भइरहेको प्रहरीले जनाएको छ ।