डडेल्धुरामा भएको कांग्रेसको निर्वाचनले वैधानिकता पायो
डडेल्धुरा –नेपाली कांग्रेसको केन्द्रीय निर्वाचन समितिले डडेलधुरामा भएको वडादेखि जिल्ला तहसम्मको सबै निर्वाचन प्रक्रियालाई वैधानिकता दिएको छ । निर्वाचन समितिका संयोजक गोपालकृष्ण घिमिरेको अध्यक्षतामा सोमबार बसेको बैठकले तत्कालीन जिल्ला सभापति कर्णबहादुर मल्लसहितको उजुरीमाथि छानविन गर्दै पुनः निर्वाचन गर्न नपर्ने ठहर गरेको हो ।
बहुमतको सो निर्णयमा निर्वाचन समितिका सदस्य सीताराम केसीले भने लिखितरूपमा फरक मत राखेका छन् । उनले निर्वाचन अधिकृतले नै धाँधली गरेको भन्दै डडेलधुराको निर्वाचनलाई वैधानिकता दिन नमिल्ने राय लेखेका छन् ।
जिल्लामा पुनः निर्वाचनको माग गर्दै केन्द्रीय कार्यालयमा मल्ल पक्षले अनसन गरिरहेको छ ।
प्रकाशित मिति: मंगलबार, मंसिर १४, २०७८ ०७:२३
प्रतिक्रिया दिनुहोस्
थप डडेल्धुरा
लोकप्रीय
