महाकाली अस्पताललाई बेदकोट नगरपालिकाद्वारा १० लाख सहयोग
कञ्चनपुर –कञ्चनपुरको महाकाली अस्पताललाई अक्सिजनको सहज आपूर्तीका लागि वेदकोट नगरपालिकाले १० लाख रुपैयाँ सहयोग गरेको छ ।
कोरोना भाइरसको महामारीकाबीच अस्पतालमा अक्सिजन अभाव भएको खबर पाएपछि नगरपालिकाको तर्फबाट सो रकम सहयोग गरिएको नगरपालिकाका प्रमुख अशोक चन्दले बताए ।
कोरोना रोकथाम,नियन्त्रण र उपचारमा सहज होस भनेर नगरपालिकाका तर्फबाट सहयोग गरिएको उनले बताए । आइतबार अस्पतालमै पुगेर नगर प्रमुख चन्दले अस्पताल व्यवस्थापन समितिका अध्यक्ष र अस्पतालका मेसुलाई चेक हस्तान्तरण गरेका हुन् ।
प्रकाशित मिति: आइतबार, वैशाख १९, २०७८ १२:४५
प्रतिक्रिया दिनुहोस्
लोकप्रीय
