बैतडी– कर्मचारीमा कोरोना पुष्टि भएपछि नेपाल इन्भेष्टमेन्ट बैंक लिमिटेड सतबाँझ बैतडी शाखाबाट प्रदान गरिने सेवा बन्द भएका छन् । बैंकमा कार्यरत तीनजना कर्मचारीमा कोरोना पुष्टि भएपछि आगामी मंगलबार सम्मका लागि सेवा बन्द गरिएका शाखा प्रबन्धक गोविन्द बिष्टले जानकारी दिए  ।

काम गर्ने कर्मचारीहरुमा कोरोना पुष्टि भएकाले सेवा बन्द गरिएको उनले बताए । कोरोनाको दोश्रो लहर फैलिएसंगै बैंकका कर्मचारीहरु पनि यसका चपेटामा परेका छन् । स्वास्थ्यका मापदण्ड अपनाउँदा अपनाउँदै पनि कर्मचारीहरुमा कोरोना देखिएको शाखा प्रबन्धक बिष्टले बताए  ।

बैंकमा धेरै ठाउँबाट सेवाग्राहीहरु आउने भएकाले उनीहरुको स्वास्थ्यलाई समेत ध्यानमा राखेर मंगलबार सम्मका लागि सेवा बन्द गरिएका बिष्टले बताए । बैतडीमा कोरोना दोश्रो लहर फैलिएसंगै सक्रिय संक्रमितको संख्या १८७ पुगेको छ ।