काँग्रेस सुदूरपश्चिम संसदीय दलले रसुवाका बाढीपीडितलाई आर्थिक सहयोग गर्ने
कैलाली –नेपाली काँँग्रेस सुदूरपश्चिम प्रदेश संसदीय दलले रसुवाको भोटेकोशी बाढीबाट प्रभावित नागरिकका लागि मानवीय सहायता तथा राहतस्वरूप आर्थिक सहयोग गर्ने घोषणा गरेको छ ।
संसदीय दलका नेता तथा निवर्तमान मुख्यमन्त्री कमलबहादुर शाहले आफ्नो एक महिनाको पारिश्रमिक बाढी पीडितका लागि सहयोग गर्ने घोषणा गरेका छन् । त्यस्तै, दलका अन्य प्रदेशसभा सदस्यहरूले १० दिनको पारिश्रमिक बराबरको रकम बाढी प्रभावितका लागि सहयोग गर्ने भएका छन् ।
संसदीय दलका अनुसार उक्त सहयोगबाट जम्मा ३ लाख ६० हजार ८ सय ३३ रुपैयाँ संकलन हुनेछ । संकलित रकम प्रधानमन्त्री दैवी प्रकोप उद्धार कोषमा उपलब्ध गराइने कांग्रेस सुदूरपश्चिम संसदीय दलले जनाएको छ ।
भोटेकोशी बाढीबाट प्रभावित नागरिकको राहत तथा उद्धार कार्यमा सहयोग पु¥याउने उद्देश्यले संसदीय दलले उक्त निर्णय गरेको जनाएको छ ।
प्रकाशित मिति: शुक्रबार, भदौ १२, २०८३ १७:०८
प्रतिक्रिया दिनुहोस्
साताको लोकप्रिय
