भारतबाट बेपत्ता भएका बैतडीका भण्डारी सकुशल फेला
बैतडी– भारतको भारतको बेंगलोरबाट बेपत्ता भएका बैतडीका प्रकाश भण्डारी सकुशल फेला परेका छन् ।
बैतडीको दोगडाकेदार गाउँपालिका–४ भण्डारीगाड घर भएका २७ बर्षीय भण्डारी बेंगलोरको आरआर नगरबाट गएको शनिबार बेपत्ता भएका थिए ।
गएको डेढ बर्षदेखि बेंगलोरको एक होटेलमा काम गर्दै आएका भण्डारी एक्कासी बेपत्ता भएपछि प्रहरीमा निवेदन दिएको उनको खोजी गरिएको थियो ।
भारतीय प्रहरीको सहयोगमा उनलाई बेंगलोरकै मिजिस्टक भन्ने ठाउँबाट आज सकुशल फेला पारेको उनका दाजु किशोर भण्डारीले बताए । उनी कसरी बेपत्ता भए भन्ने कुरा खुल्न बाँकी रहेको छ ।
प्रकाशित मिति: बुधबार, माघ २१, २०८२ १८:३३
प्रतिक्रिया दिनुहोस्
साताको लोकप्रिय
