बैतडीमा जिप दुर्घटना : चालक घाइते
बैतडी –बैतडीमा जिप दुर्घटना हुँदा चालक सामान्य घाइते भएका छन् ।
जिल्लाको थालाकाँडाबाट डडेल्धुरातर्फ जाँदै गरेको से १ ज ७४८ नम्बरको जिप मंगलबार दिउँसो १ बजेतिर सिगास गाउँपालिका–६ भेडे भन्ने स्थानमा दुर्घटनामा परेको जिल्ला प्रहरी कार्यालय बैतडीका प्रवक्ता, प्रहरी निरीक्षक बल्देव बडूले बताए ।
कच्ची सडकमा जिप ब्याक गर्ने क्रममा चिप्लिएर ५ मिटर तल सडक छेउमा खसेको थियो । चारजना यात्रु सवार रहेको जिपमा सबै यात्रु सकुशल रहेका र उनीहरु गन्तव्यमा गइसकेका प्रहरी निरीक्षक बडूले बताए ।
जिप दुर्घटनामा सामान्य घाइते भएका चालक सिगास गाउँपालिका –६ का २१ बर्षीय करन धामीको डडेल्धुरा अस्पतालमा उपचार भइरहेको छ । उनको घुँडामा चोट रहेको बताइएको छ ।
घटनाका बिषयमा थप अनुसन्धान भइरहेको जिल्ला प्रहरी कार्यालय बैतडीले जनाएको छ ।
प्रकाशित मिति: मंगलबार, पुस १, २०८२ १८:०५
प्रतिक्रिया दिनुहोस्
साताको लोकप्रिय
