बैतडी–बैतडीको सुर्नया गाउँपालिकाले आयोजना गरेको माविस्तरीय हाजिरीजवाफ प्रतियोगितामा वडा नं ६ स्थित शंकर संस्कृत मावि मूलखटाली प्रथम भएको छ ।
शुक्रबार पालिकाको केन्द्रमा आयोजना गरिएको प्रतियोगितामा मावि मूलखटाली प्रथम भएको सुर्नया गाउँपालिकाका शिक्षा शाखा प्रमुख टंकप्रसाद अवस्थीले बताए ।
प्रतियोगितामा वडा नं ५ स्थित रौलेश्वर मावि द्वितीय र वडा नं ६ स्थित सिगास मावि मुसेरौटे तृतीय भएका छन् ।
प्रतियोगितामा वडा नं ४ स्थित राष्ट्रिय मावि फाटीगडाले सान्त्वना स्थान प्राप्त गरेको शिक्षा शाखा प्रमुख अवस्थीले बताए ।
प्रतियोगितामा पालिकाभरीका १३ ओटा माध्यमिक विद्यालयहरुको सहभागिता रहेको थियो । प्रतियोगितामा कक्षा ९ देखि १२ सम्मका विद्यार्थीहरुलाई सहभागी गराएको थियो ।
विद्यार्थीहरुमा अतिरिक्त ज्ञानको विकासका लागि प्रतियोगिताको आयोजना गरिएको शिक्षा शाखा प्रमुख अवस्थीले बताए ।
प्रतियोगितामा उत्कृष्ट हुनेहरुलाई पुरुस्कार र प्रमाणपत्र पछि प्रदान गरिने सुर्नया गाउँपालिकाले जनाएको छ ।
