बैतडी–बैतडीको सुर्नया गाउँपालिका घर भएका एक किशोर बेपत्ता भएका छन् ।
सुर्नया गाउँपालिका–७ पत्थरकोट घर भएका १४ बर्षीय राजेश कुँवर बिहीबार बिहानदेखि बेपत्ता भएका उनका बुवा अर्जुन कुँवरले बताए ।
सुर्नया गाउँपालिका–५ स्थित रडीगाउँ मामाको घरमा बस्दै आएका उनी बिहीबार बिहान साढे सात बजे विद्यालय जान्छु भनि घरबाट निस्केका र त्यसपछि नफर्केका कुँवरले बताए ।
उनी सुर्नया गाउँपालिका–५ स्थित सिद्धनाथ आवि धुलिधारमा कक्षा ८ मा अध्ययनरत रहेका छन् । बिहान ट्युसन पढ्ने भनेर घरबाट निस्केका राजेश नफर्केपछि परिवारजन चिन्तामा परेका छन् ।
बिहीबार बिहानैदेखि राजेशको खोजी कार्य गरिरहेको भएपनि अहिलेसम्म फेला पार्न नसकेको पारिवारिक श्रोतले जनाएको छ । राजेश हराएको बिषयमा प्रहरीलाई समेत जानकारी गराइएको छ ।
राजेशलाई कसैले देखेमा नजिकको प्रहरी कार्यालय अथवा ९८४८९८७८४८ र ९८४८८५२१२२ नम्बरमा सम्पर्क गरिदिन आग्रह गरिएको छ ।
