बैतडीमा १९ बर्षीया किशोरीमाथि जबरजस्तीकरणी गरेको आरोपमा एक किशोर पक्राउ
बैतडी –बैतडीमा एक किशोरीमाथि जबरजस्तीकरणी गरेको आरोपमा एक किशोरलाई पक्राउ गरिएको छ ।
जिल्लाको पाटन नगरपालिका–६ भडालीका १९ बर्षीय रोहित लुहारले १९ बर्षकी किशोरीलाई जबरजस्तीकरणी गरेको अभियोगमा आइतबार पक्राउ गरिएको जिल्ला प्रहरी कार्यालय बैतडीका प्रवक्ता, प्रहरी निरीक्षक बलराम पाण्डेयले बताए ।
किशोरीले आफूमाथि जबरजस्तीकरणी गरेको जाहेरी इलाका प्रहरी कार्यालय पाटनमा दिएकी थिइन् । सोही जाहेरीका आधारमा लुहारलाई पक्राउ गरिएको प्रहरी निरीक्षक पाण्डेयले बताए ।
पक्राउ परेका लुहारमाथि जिल्ला अदालतबाट ८ दिनको म्याद थप गरेर अनुसन्धान भइरहेको प्रहरीले जनाएको छ ।
प्रकाशित मिति: आइतबार, असोज २६, २०८२ १८:२५
प्रतिक्रिया दिनुहोस्
थप बैतडी
साताको लोकप्रिय
