अछाम –अछाममा महिनावारी बारेर खेतबारीमा पाल टागेर सुतेको अवस्थामा ढुङ्गा लागेर दुई जनाको मृत्युु भएको छ ।

पञ्चदेवल विनायक नगरपालिका– ८ सेलापानीमा घर नजिकै खेतबारीमा त्रिपाल टागेर सुतिरहेको अवस्थामा खसेको ढुङ्गा लागेर ७ बर्षीया बालिका कविता भण्डारी र ३५ बर्षीया निम खनालको मृत्युु भएको प्रहरीले जनाएको छ । उनीहरू दुवै जनाको घटनास्थलमै मृत्युु भएको हो । 

उनीहरुसँगै सुतिरहेकी मृतक बालिकाकी आमा ३६ बर्षीया रत्ना भण्डारी भने घाइते भएकी छन् । उनलाई उपचारका लागि बारला स्वास्थ्यचौकी पठाइएको छ । 

महिनावारी बारेर दुवै जना महिला त्रिपालमुनी सुतेको जिल्ला प्रहरी कार्यालय अछामले जनाएको छ । मृतक खनाल र भण्डारी दुवै जना माइतीघरमा आएर छाउ भएपछि त्यहाँ सुतेका थिए । मृतक बालिका आमाको मायाले उनीहरूसँगै त्रिपालमुनी सुतेकी थिईन् । घटनाबारे थप अनुसन्धान भइरहेको प्रहरीले जनाएको छ ।