बैतडी –विश्व हिन्दू महासंघ बैतडीको संयोजकमा नरेन्द्रसिंह थापालाई मनोनित गरिएको छ । 

विश्व हिन्दू महासंघको जिल्ला अधिवेशन सम्पन्न गर्ने जिम्मेवारीसहित थापालाई संयोजकमा मनोनयन गरिएको उल्लेख गरिएको छ । 

विश्व हिन्दू महासंघ प्रदेश कार्यालयका कार्यवाहक अध्यक्ष शिरोमणिकुमार ओझाले हस्ताक्षर गरेको मनोनय पत्रमा विधानको परिधिभित्र रहेर महासंघको नीति, नियम र अनुशासनभित्र रहेर काम गर्न थापालाई आग्रह गरिएको छ । 
दशरथचन्द नगरपालिकाका निवर्तमान नगर प्रमुख समेत रहेका थापाले विश्व हिन्दू महासंघले सुम्पेको जिम्मेवारी कुशलतापूर्वक सम्पन्न गर्ने बताए । 

संस्थाको विधान अनुसार हिन्दू धर्मको रक्षा, संरक्षण र प्रवद्र्धनमा आफू लागिपर्ने उनले बताए ।