अवरुद्ध जयपृथ्वी राजमार्ग सुचारु
बैतडी–बैतडीको भञ्ज्याङमा पहिरो खस्दा अवरुद्ध बनेको जयपृथ्वी राजमार्ग सुचारु भएको छ ।
गएराति ९ बजेतिर सुर्नया गाउँपालिका–७ भञ्ज्याङमा सडकमाथिबाट खसेको पहिरो पन्छ्याएपछि सडक सुचारु भएको जिल्ला प्रहरी कार्यालय बैतडीका प्रवक्ता,प्रहरी निरीक्षक बलराम पाण्डेयले जानकारी दिए ।
सडक डिभिजन कार्यालय पाटन बैतडीको एक्साभेटरले पहिरो पन्छ्याएपछि सडक सुचारु भएको उनले बताए ।
सडक सुचारु भएसँगै विभिन्न जिल्लाबाट बझाङका लागि छुटेका गाडीहरु र बझाङबाट विभिन्न जिल्लाका लागि छुटेका गाडीहरु गन्तव्यतर्फ लागेका छन् ।
प्रकाशित मिति: बिहीबार, साउन २९, २०८२ १०:४५
प्रतिक्रिया दिनुहोस्
थप बैतडी
साताको लोकप्रिय
