बैतडीको भञ्ज्याङमा पहिरो खस्दा जयपृथ्वी राजमार्ग अवरुद्ध
बैतडी –बैतडीको भञ्ज्याङमा पहिरो खस्दा जयपृथ्वी राजमार्ग अवरुद्ध भएको छ ।
गएराति ९ बजेतिर सुर्नया गाउँपालिका–७ भञ्ज्याङमा सडकमाथिबाट पहिरो खस्दा जयपृथ्वी राजमार्ग अवरुद्ध भएको जिल्ला प्रहरी कार्यालय बैतडीका प्रवक्ता,प्रहरी निरीक्षक बलराम पाण्डेयले जानकारी दिए ।
जयपृथ्वी राजमार्ग अवरुद्ध हुँदा विभिन्न जिल्लाबाट बझाङका लागि छुटेका गाडीहरु र बझाङबाट विभिन्न जिल्लाका लागि छुटेका गाडीहरु बीचबाटोमै रोकिएका छन् । सडक अवरुद्ध हुँदा २० भन्दा बढी गाडी उक्त ठाउँमा रोकिएका जानकारी आएको प्रहरी निरीक्षक पाण्डेयले बताए ।
अवरुद्ध सडक खुलाउनका लागि प्रयास भइरहेको तर लगातारको बर्षाले समस्या भइरहेको उनले बताए ।
सडक डिभिजन कार्यालयको जेसीबीले पहिरो पन्छ्याउने कार्य भइरहेको बताइएको छ ।
प्रकाशित मिति: बिहीबार, साउन २९, २०८२ ०७:४४
प्रतिक्रिया दिनुहोस्
साताको लोकप्रिय
