बैतडीको नाचन्थलीमा पहिरो खस्दा जयपृथ्वी राजमार्ग अवरुद्ध
बैतडी–बैतडी –बझाङ जोड्ने जयपृथ्वी राजमार्ग अवरुद्ध भएको छ । बैतडीको नाचन्थली नजिकै सडकमा पहिरो खस्दा राजमार्ग अवरुद्ध बनेको जिल्ला प्रहरी कार्यालय बैतडीका प्रवक्ता प्रहरी निरीक्षक बलराम पाण्डेयले बताए ।
सडकमाथिबाट पहिरो खस्दा शनिबार बिहान ९ बजेदेखि राजमार्ग अवरुद्ध रहेको छ । राजमार्ग अवरुद्ध हुँदा अहिले सवारी साधन बीचबाटोमै रोकिएका छन् ।
अवरुद्ध सडक खुलाउनका लागि सडक डिभिजन कार्यालय पाटन बैतडीको डोजरले पहिरो पन्छ्याउने कार्य भइरहेको प्रहरी निरीक्षक पाण्डेयले बताए ।
प्रकाशित मिति: शनिबार, असार २८, २०८२ १२:४०
प्रतिक्रिया दिनुहोस्
साताको लोकप्रिय
