बैतडी – बैतडीमा जिप दुर्घटना हुँदा एक जनाको मृत्यु भएको छ, भने ३ जना भने घाइते छन् । जिल्लाको दशरथचन्द नगरपालिका–११ नानिगाडमा शुक्रवार राति देहीमाण्डौंबाट गिरेगडातर्फ गइरहेको बि.ए.सी ५६५९ नम्बरको बोलेरो जिप दुर्घटनामा परेको हो ।
जिल्ला प्रहरी कार्यालय बैतडीका अनुसार पञ्चेश्वर गाउँपालिका–५ बस्ने ५४ वर्षीय चंचले दयाल गम्भिर घाईते भई उपचारको लागि जिल्ला अस्पताल बैतडी लगिएकोमा हिजो राती नै मृत्यु भएको जनाइएको छ ।
जिप दुर्घटनामा परे पञ्चेश्वरका गाउँपालिका–६ घर भएका जिप चालक ३५ वर्षीय राकेश कोली र दशरथचन्द नगरपालिका १० की अन्दाजी ३० वर्षीया कविता परियार उपचारपछि घर फर्किएका छन भने घाइते पञ्चेश्वर ६ घर भएका ५२ वर्षीय लालीराम कोलीलाई धनगढी रेफर गरिएकोे जिल्ला प्रहरी कार्यालय बैतडीका प्रवक्ता प्रहरी निरीक्षक बलराम पाण्डेयले बताए ।
जिप सडकबाट करिब ४० मिटर तल खसेको छ । दुर्घटनाको कारण भने खुल्न सकेको छैन ।
