चरेशसहित बझाङका एकजना डडेल्धुराबाट पक्राउ
डडेल्धुरा –बझाङ घर भएका एकजना लागूऔषध चरेशसहित डडेल्धुराबाट पक्राउ परेका छन् ।
पक्राउ पर्नेमा बझाङको छबिसपााथिभरा गाउँपालिका–३ का ७१ वर्षीय चन्द्रदेव जैशी रहेका छन् ।
जैशीलाई आज अमरगढी नगरपालिका–१ स्याउलेबाट पक्राउ गरिएको जिल्ला प्रहरी कार्यालय डडेल्धुराका प्रवक्ता,प्रहरी निरीक्षक उपेन्द्र बमले जानकारी दिए ।
बझाङबाट धनगढी जाँदै गरेको ना.७ ख ४०९ नम्बरको बसमा सवार जैशीलाई नियन्त्रणमा लिइएको हो । जैशीले बसको सिटमाथि सामान राख्ने ¥याकमा प्लाष्टिकको कट्टाभित्र पिडालुसँगै चरेश मिसाएर राखेका थिए ।
उनको साथबाट ७८४ ग्राम लागूऔषध चरेश बरामद गरिएको प्रहरीले जनाएको छ । पक्राउ परेका जैशीमाथि प्रारम्भिक अनुसन्धान कार्य भइरहेको डडेल्धुरा प्रहरीले जनाएको छ ।
प्रकाशित मिति: बुधबार, माघ ३०, २०८१ १५:५१
प्रतिक्रिया दिनुहोस्
साताको लोकप्रिय
