उद्योग मन्त्री भण्डारी आज गृह जिल्ला बैतडी आउँदै, सिद्धनाथ माविको वार्षिकोत्सवमा सहभागी हुने
बैतडी-संघीय सरकारका उद्योग, वाणिज्य तथा आपूर्ति मन्त्री दामोदर भण्डारी आफ्नो गृह जिल्ला बैतडीको भ्रमणमा आउँदै हुनुहुन्छ।
मन्त्री भण्डारी (आज) मंगलबार दिउँसो पाटन–२ सिलङ्गास्थित सिद्धनाथ माध्यमिक विद्यालयको वार्षिकोत्सव समारोहमा सहभागी हुनुहुनेछ।
बुधबार बिहान पाटन नगरपालिकाले ज्ञानेस्वर मावि बिजयपुरमा आयोजना गर्न लागेको राष्ट्रपति रनिङ शिल्ड प्रतियोगिता उद्घाटन समारोहमा उहाँको उपस्थिति रहनेछ। त्यसपछि दशरथचन्द नगरपालिकाले आयोजना गर्ने रनिङ शिल्ड प्रतियोगिताको उद्घाटन समारोहमा पनि उहाँ सहभागी हुने कार्यक्रम रहेको छ।
बुधबार नै नेकपा (एमाले) जिल्ला कमिटी बैतडीको बैठकमा मन्त्री भण्डारी सहभागी हुनुहुनेछ।
उहाँ बिहीबार बिहान काठमाडौं फर्किने कार्यसूची रहेको उहाँका सचिवालयले जनाएको छ।
प्रकाशित मिति: मंगलबार, माघ १५, २०८१ १०:३८
प्रतिक्रिया दिनुहोस्
थप बैतडी
साताको लोकप्रिय
