अत्यधिक चिसो बढेपछि कञ्चनपुरका विद्यालय बन्द
कञ्चनपुर –एक सातादेखि निरन्तररुपमा शीतलहर चलेपछि कञ्चनपुरका स्थानीय तहले विद्यालयमा बिदा दिएका छन् ।
शीतलहरका कारण अत्यधिक चिसो बढेपछि शुक्लाफाँटा नगरपालिका, पुनर्वास नगरपालिका र कृष्णपुर नगरपालिकाले विद्यालयमा बिदा दिएका हुन् । चिसोले विद्यालयको पठनपाठन प्रभावित हुनुका साथै विद्यार्थीको स्वास्थ्य अवस्थामा प्रतिकूल असर पर्न थालेपछि विद्यालयमा बिदा दिइएको शुक्लाफाँटा नगरपालिकाका प्रमुख प्रशासकीय अधिकृत खेमराज विष्टले बताए ।
नगर क्षेत्रका सामुदायिक र संस्थागत विद्यालयमा पौष २८ गतेसम्म बिदा दिइएको नगरपालिकाले जनाएका छन् । जाडो बिदाबाट मिलान गर्ने हिसाबले बिदा दिएको जनाइएको छ ।
प्रकाशित मिति: बिहीबार, पुस २५, २०८१ १३:२५
प्रतिक्रिया दिनुहोस्
साताको लोकप्रिय
