रेडक्रस उपशाखा शंकरपुरको सभापतिमा अवस्थी चयन
बैतडी–नेपाल रेडक्रस सोसाइटी उपशाखा शंकरपुरको सभापतिमा पुनः गणेशदत्त अवस्थी चयन भएका छन् ।
उपशाखा शंकरपुरको ३२ औं साधारण सभाको अधिवेशनले अवस्थीको अध्यक्षतामा १३ सदस्यीय नयाँ कार्यसमिति चयन गरेको हो ।
समितिको उपसभापतिमा सरस्वती अवस्थी, सचिवमा परमानन्द अवस्थी, उपसचिवमा करुणाकर अवस्थी, कोषाध्यक्षमा धनबहादुर कुँवर लगायत अन्य सदस्यहरु चयन भएका छन् ।
२०६३ सालदेखि उपशाखाको सभापति रहँदै आएका अवस्थीले मानवीय र सामाजिक कार्यमा सक्रिय संस्थाको सभापतिमा पुनः चयन भएपछि सबैप्रति आभार व्यक्त गरेका छन् ।
प्रकाशित मिति: आइतबार, पुस १४, २०८१ ०७:४१
प्रतिक्रिया दिनुहोस्
थप बैतडी
साताको लोकप्रिय
