बैतडी–बैतडीको डिलाशैनी गाउँपालिका वडा नं ७ घर भएका प्रदीपकुमार जोशीले शैक्षिक सामग्री वितरण गरेका छन् । 

आफ्नो जन्मदिनको अवसर पारेर डिलाशैनी गाउँपालिका –७ बाइमस्थित लखैनाथ आधारभूत विद्यालयका विद्यार्थीहरुलाई उनले शैक्षिक सामग्री वितरण गरेका हुन् । 

जन्मदिनको अवसरमा अन्य फजुल खर्च गर्नुभन्दा बालबालिकाहरुलाई पठनपाठनमा सहज होस भनेर शैक्षिक सामग्री वितरण गरेको जोशीले बताए । उनले वर्णमाला,कापी, कलम लगायतका शैक्षिक सामग्री वितरण गरेका हुन् । 
सामाजिक काममा सक्रिय रहेका जोशीले यसअघि पनि गाउँमा विभिन्न अभियान सञ्चालन गर्दै आएका छन् । सार्वजनिक सरोकारका बिषयमा युवाहरुलाई जोड्ने प्रयासमा आफू लागेको जोशीले बताए ।