डडेल्धुराका भुपेन्द्रको मोटरसाइकल दुर्घटनामा मृत्यु
डडेल्धुरा –डडेल्धुरामा मोटरसाईकल दुर्घटना हुँदा एक जनाको मृत्यु भएको छ ।
बुधबार जिल्लाको परशुराम नगरपालिका–६ छेला स्थित बा०२–०२२ प २१४५ नम्बरको मोटरसाईकल आफै अनियन्त्रित भई पल्टिँदा सोही ठाउँ बस्ने मोटरसाइकल चालक भुपेन्द्र भट्टको मृत्यु भएको हो ।
दुर्घटनामा गम्भीर घाइते भएका भुपेन्द्रलाई उपचारको लागि जोगबुढा अस्पताल लगिएकोमा उपचारका क्रममा उनको मृत्यु भएको जिल्ला प्रहरी कार्यालय डडेल्धुराले जनाएको छ ।
यस्तै मोटरसाइकलमा पछाडी सवार सोही ठाउँ बस्ने २० वर्षीय सिद्धराज भट्ट घाइते भएका छन् ।
घाइते सिद्धराजलाई थप उपचारका लागि धनगढी रेफर गरिएको छ ।
प्रकाशित मिति: बिहीबार, कात्तिक १५, २०८१ ०९:२४
प्रतिक्रिया दिनुहोस्
थप डडेल्धुरा
लोकप्रीय
