बैतडी –बैतडीको पाटनमा जारी चौथो संस्करणको पाटन प्रिमियर लिग अन्तर्गत सुपर सिक्सको खेलमा पाटन भ्यालीले रोमाञ्चक जित हात पारेको छ ।
भ्यालीले निङ्गलाशैनी क्रिकेट क्लबलाई २ विकेटले पराजित रोमाञ्चक जित हात पारेको हो ।
निङ्गलाशैनीले दिएको १६० रनको लक्ष्य भ्यालीले १९.५ ओभरमा ८ विकेट गुमाएर पूरा गर्यो ।
पाटनका सन्दीप खत्रीले ३४ रनको विजयी इनिङ खेले । उनले १८ बलको सामना गरेर ३४ रन हिर्काउदै जित दिलाएका हुन । पाटन भ्यालीका दिपक टमटाले ४३ रन हिर्काएका थिए भने दिपेन्द्र भण्डारीले २६ रनको इनिङ खेले ।
निङ्गलाशैनीका विरेन्द्र चन्दले ३ विकेट लिए ।
टस जितेर पहिला ब्याटिङ गरेको निङ्गलाशैनीे १९ ओभरमा अलआउट हुँदै १५९ रनमा समेटिएको थियो ।
निङ्ग्लाशैनीका दिपक बोहराले ५६ रनको अर्धसतकीय पारी खेलेका थिए । ऋषिकेश बोहराले ३० र गजेन्द्र बोहराले २७ रनको योगदान दिए पनि टीमलाई जिताउन सकेनन् ।
पाटन भ्यालीका विकास बिष्टले ४ तथा दिपेन्द्र भण्डारीले ३ विकेट लिएका थिए ।
