बैतडी–बैतडीको पाटनमा जारी चौँथौ संस्करणको पाटन प्रिमियर लिग अन्तर्गत सुपर सिक्समा पुग्ने सबै टोलीको टुंगो लागेको छ ।
समूह ए बाट पाटन भ्याली क्रिकेट क्लब,समूह बी बाट आयोजक पाटन क्रिकेट क्लब र समूह सी बाट टिम कोइनोडा गुरूखोला लायन्स सुपर सिक्समा पुगेका छन् ।
यस्तै समूह डी बाट कुलगडे क्रिकेट क्लब,समूह ई बाट निङलाशैनी क्रिकेट क्लब र समूह एफ बाट पञ्चेश्वर गाउँपालिका सुपर सिक्समा पुगेका छन् ।
सुपर सिक्सका खेलहरू भोलि शनिबारदेखि श्रीकृष्ण मावि पाटनको खेलमैदानमा हुनेछन् ।
शनिबार हुने सुपर सिक्सको पहिलो खेलमा पाटन भ्याली र गुरूखोला भिड्दा दोस्रो खेलमा पाटन क्रिकेट क्लब र कुलगडेबीच प्रतिस्पर्धा हुनेछ ।
आइतबारको पहिलो खेलमा पाटन क्रिकेट क्लब र पञ्चेश्वर खेल्दा दोस्रोमा पाटन भ्याली र निङलाशैनीबीच भिडन्त हुनेछ ।
सोमबार हुने सुपर सिक्सको पहिलो खेलमा गुरूखोला र निङलाशैनी खेल्दा दोस्रोमा कुलगडे र पञ्चेश्वर आमने सामने हुनेछन् ।
सुपर सिक्सका खेलबाट सेमिफाइनल पुग्ने ४ टोलीको टुंगो लाग्नेछ ।
