दार्चुलामा ८ जुवाडे पक्राउ
दार्चुला –दार्चुलामा ८ जुवाडे पक्राउ परेका छन् । जिल्लाको महाकाली नगरपालिका–४ खंलगा विद्यानगर बस्ने ५७ वर्षीय गोबिन्द धानुकको घरको माथिल्लो तल्लामा लुकीछिपी जुवातास खेलिरहेको अवस्थामा आइतवार ८ जनालाई पक्राउ गरिएको हो ।
जिल्ला प्रहरी कार्यालय दार्चुलाबाट खटिएको प्रहरी टोलीले खानतलासी गर्दा घरको कोठाबाट जुवातास खेलिरहेको अवस्थामा घरधनी धानुकसहित ८ जनालाई नियन्त्रणमा लिएको हो । उनीहरुबाट नगद ९३ हजार २२० र १ गड्डी तास पनि बरामद गरिएको प्रहरीले जनाएको छ ।
पक्राउ परेकामाथि थप अनुसन्धान भइरहेको जिल्ला प्रहरी कार्यालय दार्चुलाले जनाएको छ ।
प्रकाशित मिति: सोमबार, भदौ ३१, २०८१ ०८:४६
प्रतिक्रिया दिनुहोस्
साताको लोकप्रीय
