महाकाली नदीमा बगेका दुई किशोरमध्ये एकको शव फेला
कञ्चनपुर –महाकाली नदीमा बगेर बेपत्ता भएका दुई जना किशोरमध्ये एकको शव फेला परेको छ ।
आज दिउँसो नदीबाट दाउरा संकलन गर्ने क्रममा कञ्चनपुरको भीमदत्त नगरपालिका १२ का १८ बर्षीय सौरभ दमाइ र सोही ठाउँमा अबि दमाइ बेपत्ता भएका थिए ।
बगेर बेपत्ता भएका मध्ये सौरभको शव फेला परेको छ । दोधारा–चाँदनी झोलुङ्गे पुल नजिक महाकाली किनारमा उनको शव फेला परेको प्रहरीले जनाएको छ ।
महाकालीमा बगेका अर्का किशोर अबिको अवस्था अज्ञात रहेको छ । स्थानीय र सुरक्षाकर्मीले उनको खोजी गरिरहेका छन् ।
प्रकाशित मिति: शनिबार, भदौ २९, २०८१ १४:३१
प्रतिक्रिया दिनुहोस्
साताको लोकप्रीय
