दार्चुलाका एकजना चरेशसहित बैतडीमा पक्राउ
बैतडी–दार्चुला घर भएका एकजना चरेशसहित बैतडीमा पक्राउ परेका छन् ।
दार्चुलाको अपिहिमाल गाउँपालिका–५ का ४६ बर्षीय दानसिंह धामीलाई बैतडी प्रहरीले शुक्रबार साँझ चरेशसहित पक्राउ गरेको हो ।
बैतडीको डिलाशैनी गाउँपालिका २ गण्न्नामा धामीलाई ७ सय ५० ग्राम चरेशसहित पक्राउ गरिएको जिल्ला प्रहरी कार्यालय बैतडीका प्रवक्ता प्रहरी निरीक्षक बलराम पाण्डेयले जानकारी दिए ।
गण्न्नाबाट गोकुलेश्वरतर्फ आइरहेका धामीलाई जिल्ला प्रहरी कार्यालयबाट खटिएको प्रहरी टोलीले पक्राउ गरेको हो । पक्राउ परेका धामीमाथि थप अनुसन्धान भइरहेको प्रहरी निरीक्षक पाण्डेयले बताए । उनीमाथि लागू औषध मुद्दामा अनुसन्धान भइरहेको छ ।
प्रकाशित मिति: शनिबार, भदौ ८, २०८१ १८:०८
प्रतिक्रिया दिनुहोस्
थप बैतडी
लोकप्रीय
