कुटपीट मुद्दामा फरार बैतडीका एक जना पक्राउ
बैतडी –कुटपीट मुद्दामा फरार रहेका बैतडीका एक जना पक्राउ परेका छन् । कुटपीट मुद्दामा दोषी ठहर भई फरार रहेका मेलौली नगरपालिका–१ का ४३ वर्षीय जनार्दन नेगीलाई मंगलबार पक्राउ गरिएको हो ।
नेगीलाई बैतडी जिल्ला अदालतको २०८० श्रावण २८ गतेको फैसलाले कुटपीट मुद्दामा ६ महिना कैद सजाय र ५ हजार जरीवाना तोकिएपछि उनी फरार रहेका थिए ।
नेगीलाई जिल्ला प्रहरी कार्यालय बैतडीबाट खटिएको प्रहरी टोलीले मंगलबार दिउँसो दशरथचन्द नगरपालिका–४ गोठलापानी बजारबाट पक्राउ गरेको जिल्ला प्रहरी कार्यालय बैतडीका प्रमुख प्रहरी नायब उपरीक्षक दिपक गिरीले जानकारी दिए ।
पक्राउ परेका नेगीलाई मंगलबार अदालत पेश गरेकोमा हिजो नै कारागार चलान गरिसकिएको छ ।
प्रकाशित मिति: बुधबार, भदौ ५, २०८१ ०८:४५
प्रतिक्रिया दिनुहोस्
थप बैतडी
लोकप्रीय
