बैतडी- बैतडीको सुर्नया गाउँपालिका झण्डै दुई महिनादेखि हाकिम विहिन भएको छ । निर्वतमान प्रमुख प्रशासकीय अधिकृत रघुनाथ अवस्थीको सरुवा भएपछि सुर्नया गाउँपालिका झण्डै दुई महिना देखि हाकिम विहिन भएको हो ।
संघीय मामिला तथा सामान्य प्रशासन मन्त्रालयले अवस्थीलाई गत पुस १२ गते बैतडीकै सिगास गाउँपालिकाको प्रमुख प्रशासकीय अधिकृतमा सरुवा गरेको थियो । सो समय देखि सुर्नया हाकिम विहिन छ । सामान्य प्रशासन मन्त्रालयले अवस्थी सरुवा भएर गएपछि सुर्नयामा अहिले सम्म हाकिम पठाएको छैन् भने पालिकामा कार्यरत कर्मचारीलाई समेत आर्थिक कारोबारको अधिकार दिइएको छैन् ।
हाकिम नहुँदा सबै आर्थिक कारोबारका काम ठप्प छन् । पालिका प्रमुख प्रशासकीय अधिकृत नहुँदा प्रशासनिक र आर्थिक कामहरु ठप्प भएका हुन् । पालिकामा प्रमुख प्रशासकीय अधिकृत नहुँदा सामाजिक सुरक्षाभत्ता, कर्मचारीको तलब लगायतका सबै भुक्तानीहरु रोकिएका गाउँपालिकाका अध्यक्ष अम्मर बहादुर कुवँरले बताए ।
हाकिमका लागि पहल भैरहेको समेत उनले बताए । प्रमुख प्रशासकीय अधिकृतपदपूर्तीका लागि पहल भैरहेको भन्दै अध्यक्ष कुवँरलले केहि दिनमै पालिकामा देखिएका समस्या सामाधान हुने बताए ।
