बैतडी- बैतडीमा रुखले च्यापिएर एक  किशोरको मृत्यु भएको छ । पाटन नगरपालिका वडा नं ५ अड्तोलाका १९ वर्षीय प्रकाश पाण्डेयको आफैले काट्दै गरेको सल्लाको रुखले च्यापिएर मृत्यु भएको हो ।

 शुक्रवार बिहान करिब ९ बजेको समयमा घर नजिकैको जङ्गलमा सल्लाको रुख काटिरहेका पाण्डेय रुख ढल्दा  च्यापिएर गम्भीर घाइते भएका थिए । मध्यान्ह १२ बजेको समयमा पाटन प्राथमिक स्वास्थ्य केन्द्रमा  उनको उपचारको क्रममा  मृत्यु भएको जिल्ला प्रहरी कार्यालय बैतडीका सूचना अधिकारी प्रहरी निरीक्षक खेमबिक्रम केसीले जानकारी दिए ।

प्रकाश पाटन नगरपालिका वडा नं १ को स्थित सिद्धेस्वर मावि मेल्चौरामा कक्षा १०मा अध्यायनरत  थिए ।   प्रकाश कलिलै उमेरमा अस्ताएपछि  घरपरिवार  शोकमा डुबेको  छ ।