बैतडी- बैतडीका १५ जनाले ड्राभिङ तालिम पाउने  भएका छन ।  सुदूरपश्चिम प्रदेश सरकारको  उद्योग पर्यटन वन तथा बातावरण मन्त्रालयको  सहयोगमा जिल्लाका  १५ जना व्यक्तिहरुले  निःशुल्क कार ड्राभिङ तालिम पाउने  भएका हुन् ।

घरेलु तथा साना उद्योग कार्यालय बैतडीको भगत सर्वजित कार्यक्रम अन्तर्गत जिल्लाका १५ जनालाई १ महिने कार ड्राभिङ तालिम दिइने घरेलु तथा साना उद्योग कार्यालय बैतडीका प्रमुख अम्बादत्त भट्टले जानकारी दिए । तालिममा दलित समुदायका व्यक्तिहहरु मात्रै सहभागि हुन पाउने उनले  बताए ।

दलित लक्षित कार्यक्रम  भएकाले दलित समुदायका मात्रै व्यक्ति सहभागि हुन पाउने उनले बताए । अहिले घरेलु कार्यालयले  पालिकाहरुलाई  इच्छुक सहभागि छनौट गरेर  पठाइदिन पत्राचार गरेको  कार्यालय प्रमुख भट्टले  बताए । १८ वर्ष पुराभइ ३५ ननाघेकाले  तालिममा सहभागि हुन पाउने  छन् ।

यो  महिनाको १० गते भित्र पालिकाहरुलाई  सहभागि छनौट गरेर पठाइ दिन पत्राचार गरिएको र त्यसपछि तालिम दिइने  बताइएको  छ । कार ड्राभिङ तालिम डडेल्धुरामा हुने घरेलु तथा साना उद्योग कायालय बैतडीले जनाएको छ । तालिममा सहभागिहरुको  गास बासको खर्च कार्यक्रमले  नै व्यर्हाेने  छ ।